Rice Bran Soothing Moisturiser Nightwear 50ml

Rice Bran Soothing Moisturiser Nightwear/ 50ml

Nightwear結合左一個同德國一樣嚴苛既亞洲國家成品。上Gel cleanser入左亞洲既車前草，而呢個night wear，用左我地好熟悉既，日本大米。一個由日本大米結合德國既成品，呢兩個號稱亞洲同歐洲最嚴謹苛刻既國家，將護膚品成份用最嚴格控制刻度%去form左呢個精益求精既nightwear出黎！有咩咁勁？

拎左呢支nightwear反黎，搽完臉順便揸埋手，慣性將testing搽係左手背既，好記得，試完果晚訓覺，舒生拖住我隻左手，然後話「so soft the skin！」「How about this hand?」我伸埋冇搽到既右手出黎

搽左nightwear既左手，就係決定左要即刻帶佢返黎既原因！質地係一個Bonus，但係基於乜野咁特別既實力成分要令到德國入佢返黎再精雕細琢？

以前唔識咁多，覺得lotion就係普通到見人要搽我就搽既家常便飯skincare，完全唔識睇乜野成份先至叫做有益有營養，同食野既概念一樣，德國歐洲視食野係全日最enjoy既一刻，而係速食文化求存既亞洲，食野為求生存，以前用既lotion連咩叫真潤假潤都唔知，一直封住層塑化膠以為叫潤，原來呢層塑化膠係毛孔閉塞生粒粒同粉刺既最大元凶，真係多謝哂，用左White line呢套Day&Night wear，我開始明白乜野叫做尊重皮膚，原來生活同生存，可以真係得一線之差

咁多款nightwear，我地揀左特別既呢一隻返黎！我地成日聽到一種係日本大米叫「劈他華」既成份，如果依家將佢交比德國科研去處理呢？或者簡單D講，即係將Toyota交比德國，即刻可以用技術製造成Benz :)!

呢個大米最主要既谷維素成份，係米糠油同胚芽油呢D穀物既油脂度既植物性消炎箤取，好多老成弱小同乾旱既皮膚係因爲細胞長期發炎已經癒合唔到，無論再補水定鎖水，基於細胞根本有炎症再做唔到排泄狀態，就算想吸收都無能為力，大米既谷維素可以消炎，識得claim down哂唔平衡既分泌，做到排毒甦生細胞既循環機能，regenerate返成個微血管既流動性，破解左長期唔郁既惡循環系統，排走多餘既鹽份、毒素，令到更生過程更加smooth更快，消炎既最大side benefit 係成件事搽完塊臉會無咁水腫，排完更生得好，要點吸收都再冇問題！

除左大米既谷維素之外，大米既亞油酸同脂肪酸將表皮層形成返一個天然覆蓋性皮膚膜，可以防止皮膚水分流失，保持水分和水嫩，滑身既texture就係靠佢呢個自然既魔力！

搽完最大既feeling係，首先唔講佢既功能，手感既滑身已經贏左成條街，夜晚搽完睇二朝起身唔會想洗臉咁濟，因為塊臉重係滑身如果要compare，你會feel到只係一小泵，一推上手延展度已經好高，潤而唔笠，吸收哂之後touch 一touch，好柔軟，平時普通lotion會有一層塑化劑，只要一有比較，你就會學識呢層唔比較下唔會知道既塑化劑，一直存在係所有hea products 度，成日話升lev之後返唔到轉頭，就係咁解，因為apply左大米既亞油酸同脂肪酸皮膚層之後真係再接受唔到降低level

呢個nightwear唔係淨係講緊補水鎖水封頂咁簡單，另外加入4種抗氧Vitamin B，B1、B3、B5、B6可以殲滅因為粉刺長期活躍既引發既酒渣鼻，減緩缺乏抵抗力而引起既濕疹，加埋介紹過既角鯊烯，幫手修復返實個表皮鎖水屏障，因為呢層大米係表皮層抓得好實，令補品精冇機會揮發，所以所有維他命精華可以係底層無限吸收！

大米水稻入面100種既抗氧化元素拆解完，再篩選，再活化返，再全部抽哂出黎，結合埋4種Vitamin B、抗氧維他命、加角鯊烯，同Q10、omega-3脂肪酸同微量營養素，如果可以直接食既，呢一碗飯，係5星級Fine Dine!

Aqua, Glycerin, Aloe Barbadensis Leaf Juice, 5 % Oryza Sativa (Rice)Bran Extra, Capric Triglyceride, GlycerylStearate Citrate, IsononylIsononanoate, Panthenol (Provitamin B5), Arginie (Amino Acid), Limonene

其他主要成份：

大米入面植物提取物阿魏酸: 抗氧化將維他命C stay得更穩定，夜晚配合維他命C一齊用，相輔相成，VC既粉絲一定要Mark實埋佢

大米亞油酸同脂肪酸: 脂肪酸係我們皮膚膜既基石，可幫助保護皮膚屏障，同時鎖住皮膚水分

Aloe barbadensis leaf juice: 蘆薈葉汁可以用作消炎作用，加快癒合作用，減淡暗瘡疤痕

Cleanser> 奇蹟水 > Toner > Vitamin A / Vitamin C serum > 溫泉水 > Nightwear

Q&A:

• 會好笠的嗎？Nightwear適合所有肌膚